"ഞാന് മതം മാറുന്നത് ഇസ്ലാമിലേക്കാണ്" ഏഷ്യാനെറ്റിന് മറുപടിയുമായി ചിത്രലേഖ
- Web desk
- Nov 19, 2020 - 10:43
- Updated: Nov 19, 2020 - 17:35
തന്റെ മതംമാറ്റത്തിന് പിന്നില് പോപ്പുലര് ഫ്രണ്ടാണെന്ന ഏഷ്യനെറ്റ് റിപ്പോര്ട്ടിന് മറുപടിയുമായി പയ്യന്നൂരിലെ ഓട്ടോ ഡ്രൈവറായ ചിത്രലേഖ. സി.പി.എമ്മിന്റെ ദളിത് പീഡനം സഹിക്കവയ്യാതെ താന് ഇസ്ലാം മതം സ്വീകരിക്കാന് ആലോചിക്കുകയാണെന്ന് കഴിഞ്ഞ ദിവസം ചിത്രലേഖ വ്യക്തമാക്കിയിരുന്നു. ഇസ്ലാം മതം സ്വീകരിക്കുന്നത് തുറന്ന് പറഞ്ഞതിന്റെ പേരില് തനിക്ക് രണ്ട് തവണ ഇന്റലിജന്സ് വിളിച്ചതിനെതിരെയും ചിത്രലേഖ ശക്തമായി പ്രതികരിച്ചിരുന്നു. താന് വരുന്നത് ഇസ്ലാം മതത്തിലേക്കാണന്നും ഏതെങ്കിലും സംഘടനയിലേക്കല്ലെന്നും അവര് തന്റെ ഫേസ്ബുക്ക് കുറിപ്പിലൂടെ വ്യക്തമാക്കി.
ഫേസ്ബുക്ക് കുറിപ്പിന്റെ പൂര്ണ്ണരൂപം വായിക്കാം.
"ഏഷ്യാനെറ്റിനോടാണു പറയുന്നത്. ഞാന് മതം മാറാന് ആലോചിക്കുന്നത് ഇസ്ലാമിലേക്കാണ്. അല്ലാതെ ഏതെങ്കിലും മുസ്ലീം സംഘടനയിലെക്കല്ല. ചിത്രലേഖയുടെ മതം മാറ്റത്തിന്റെ പിന്നില് പ്രവര്ത്തിച്ചത് പോപ്പുലര് ഫ്രണ്ട് ആണെന്നുള്ള ഒളിക്കാമറ വാര്ത്ത കൊണ്ടൊന്നും ഒരു കാര്യവുമില്ല. ചിത്ര ലേഖയ്ക്ക് സ്വന്തമായി തീരുമാനമെടുക്കാനുള്ള ശേഷിയൊക്കെ ഉണ്ട്. അതിനു പിന്നില് പോപ്പുലര് ഫ്രണ്ട് ആണെങ്കില് അത് പറയുന്നതില് എനിക്കു ഒട്ടും മടിയുമില്ല. പോപ്പുലര് ഫ്രണ്ട്കാര് എനിക്കു വീട് വെയ്ക്കാനും സംബത്തീകമായും സഹായിക്കാമെന്നും പറഞ്ഞിരുന്നു. എന്നെ ഇതിന് മുമ്പ് സ്ഥലം വീണ്ടെടുക്കുന്നതില് സഹായിച്ചത് മുഖ്യമന്ത്രി ഉമ്മന് ചാണ്ടി ആയിരുന്നു. പകുതിയോളം എന്റെ വീട് കെട്ടി ഉയര്ത്താന് സഹായിച്ചത് മുസ്ലീം ലീഗിന്റെ കെ എം ഷാജിയും മുസ്ലീം സുഹൃത്തുക്കളുമായിരുന്നു. അന്നൊന്നും വാര്ത്തയാകാതെ ഇപ്പോ പോപ്പുലര് ഫ്രണ്ട് സഹായിച്ചു എന്ന വാര്ത്ത പുറത്തു വിടുന്നതിന്റെ ലക്ഷ്യം എന്താണെന്ന് എല്ലാവര്ക്കുമറിയാം. ഒന്നു ചിത്രലേഖയ്ക്ക് ഒറ്റക്ക് തീരുമാനമെടുക്കാന് കഴിയില്ല എന്ന വംശീയമായ തന്ത ചമയല്, രണ്ടാമത് ചിത്ര ലേഖ തീവ്രവാദി ആണെന്ന ധാരണ ഉണ്ടാക്കല്. ഇത് ഇപ്പോ ഏഷ്യാനെറ്റ് വാര്ത്ത വന്നാല് കേരളം അത് ഏറ്റെടുക്കും എന്ന അവരുടെ ധാരണയാണ്. അതിനപ്പുറം എന്റെ മത പരിവര്ത്തണ്ട്ത്തിന്റെ ആലോചനക്ക് ഈ വര്ത്തക്കപ്പുറമുള്ള അര്ത്ഥം ഉണ്ട് എന്നു ബോധമുള്ള മനുഷ്യര്ക്ക് അറിയാം. അത് കൊണ്ട് ഏഷ്യാനെറ്റ് എന്നെ തീവ്ര വാദി ആക്കാന് ഇങ്ങനെ കഷ്ടപ്പെടാണ്ട. ഇതേ കേരളത്തില് “വേശ്യ’ എന്ന വിളിപ്പേര് കുറെ കേട്ടതാണ്. ഇനി ഇതും കൂടെ ആകട്ടെ."
Related Posts
ASK YOUR QUESTION
ചോദ്യങ്ങള് പരമാവധി വ്യക്തമായി എഴുതുകയും മലയാളത്തില് ടൈപ്പ് ചെയ്യുകയും ചെയ്യുക.മംഗ്ലീഷില് എഴുതുന്നത് ഒഴിവാക്കുക . അക്ഷരത്തെറ്റുകള് ഒഴിവാക്കാന് ശ്രദ്ധിക്കുക.ഒന്നിലധികം ചോദ്യങ്ങള് ഒന്നിച്ചു ചോദിക്കുന്നത് ഒഴിവാക്കുക.
Recommended Posts
Voting Poll
ഈ റമദാനിൽ നിങ്ങൾ ഉദ്ദേശിച്ചത് പോലെ ഖുർആൻ പാരായണവും മറ്റു ഇബാദത്തുകളും ചെയ്യാൻ നിങ്ങൾ എന്ത് വഴിയാണ് സ്വീകരിക്കുന്നത് .
Get Newsletter
Subscribe to our newsletter to get latest news, popular news and exclusive updates.
Leave A Comment